Home » Post Item » PACMANIA in CCMCL

PACMANIA in CCMCL

June 29, 2008

 

PACMANIA in CarCanMadCarLan

    Mapa lungsod o sa ilaja, may cable o waya, ma pa pay-per-view o sa local channel. Tanan naka tutok na isab sa TV, pinaka-taghuyatan na isab na away ni Pacman sanan Diaz. May mga bayay na napuno nan silingan. Kagana lamang kun kada adlaw jaoy away ni Pacquiao. Pagaw hurot an ila boses.

     Jari obserbasyon sa adlaw mismo nan away ni pacquiao ma lungsod o ilaja sa CCMCL.

  Sa lungsod;  

  • Sajo sa buntag nan domingo, nag tapok-tapok na dajun sa kanto. Sugod na an istorya bahin sa away.
  • Nag sugod isab an mga istorya bahin sa pag atake nan NPA sa GL sanan Dapa, sanan sa engkwentro sa claver nan military sanan npa.
  • An mga sugarol sajo ra naglibot nag hanap nan ka pustahan, pero kalooy sa diyos wayay no dapig sa pikas.
  • An parkingan nan mga trisikad na namasahero mamingaw na pag abot nan alas 9, an tiangge gamay rakay nag pitaw-pitaw na manyanggehay. Nag pitaw-pitaw an 3-5 ka trisikad nag libot sa lungsod waya pay gajud sakay.

 Sa ilaja;

  •  Sajo ra namahaw an iban, kun wayay ila TV, nag ija-ija na hanap nan silingan na may TV para adto mangita.
  • Sa iban na baryo na may Cable na, ija-ija na sab gawas sanan plastar nan ingkuran an mga tag-bayay kay jaton nay mga silingan na mangitaay.
  • Gikan sa misa, diritso na sa TV. An iban waya na makauli sa ila bayay, diritso sa silingan mangita daya daya pa an lukay.
  • Pinaka-looy sa iban an mga carabao na tag tambang sa basakan, kay medyo nag dag-om man nan buntag, hin kalimtan na intawon pag balhin. Pagka tapos nan away mga 1pm lumbaan na sila sa basakan ija-ija balhin nan karabaw apas pa huom sa suba kay nangabuyad na intawon mga 4 ka oras.
  • An iban na mag pugas tana kuman domingo nan mais, postponed rakan silom.
  • May iban tag-bayay tag hamok rakan pag togna an kan-on sanan sud-an kay sahi pa man sab hapit napuyo ka silingan iton nangita hin-abtan nan paniodto.  

    Mabibo isab. Isahay mapungot kaw kay kadugay iton sa TV kun wayay pay-per-view hala rakan lamang kay kumbati man na away, aja rakan hanu katawa. Laong pa nan isa ka bata, “hala gajud pake,(short for pacman or pacquiao), hala iton na, kuso kusohi gajud”. Intawon, bagan malooy ta rakan sab ka David Diaz mag tan-aw, yay gajud dinag-an na round. Nahala pacman amora adto. Kita-kita na sab sa sunod, regards kan Kevin Garnett sanan Paul Pierce basin magkita kamo utro. Congrats! ajaw matud bahini nan imo daug adto politiko nan taga iloilo na nangajo nan im dinag-an. 


Posted by kantilang at 10:19 pm | permalink

Add a comment